एकलव्या

Description

लेखिका : सौ वासंती वैद्य
प्रकाशक : मराठीसृष्टी / Marathisrushti

किंमत : रु. १००/- सवलत किंमत : रु. ५०/-

आठ मार्च, आंतरराष्ट्रीय महिला दिवशी महिला सबलीकरणाच्या कार्यक्रमात सहभागासाठी निघाले होते. दुपारी वाजताची वेळ, स्थळ नागपूर, म्हणजेच वऱ्हाडातील रणरणतं उन्ह, तापलेले रस्ते. कालची रामनवमीला रस्ताभर काढलेली रांगोळी आज जराशी मलूल, विस्कटलेली दिसत होती.

मी सिग्नलला थांबलेले. छे बाबा, निदान उन्हाळ्यात दुपारी तरी सगळे सिग्नल हिरवे लागायला हवेत, सनकोट, हॅन्डग्लोव्हज, गॉगल्स सगळा जामानिमा असूनही हातपाय भाजताहेत मनात विचार येतात तोच अचानक विचारचक्र थांबतं..

मला दिसतं येवढ्या उन्हाची, झळांचीपर्वा न करता एक छोटीशी मुलगी रस्त्यावरील रांगोळी गोळा करून त्याच रांगोळीने बाजुला सुरेख चित्र रेखाटत होती. मागून येणाऱ्या वाहनांच्या कर्णकर्कश्य आवाजाशी, डोक्यावरील रखरखत्या उन्हाशी जणू तिचा काही संबंधच नव्हता, शरीर भाजणाऱ्या लाटा तिला जणू विंझणवाराच घालत होत्या. कारण इतक्या भर उन्हाची ती फुटपाथवर फतकल मांडून बसली होती रस्त्यावरील विस्कटलेल्या रांगोळीचा झाडून बाजुला ढीग केलेला होता आणि त्याच ढीगातून रांगोळी घेऊन ती एकाग्रतेने आपली स्वतंत्र रांगोळी रेखाटत होती. सगळे रंग एकत्र होऊन त्या रांगोळीचा रंग काळपट झाला होता, त्यानेच ती अप्रतिम चित्र रेखाटत होती, नक्कीच ती उत्तम चित्रकार होती.

माझा सिग्नल झाल्याने मी निघाले. कार्यक्रम संपला तो दिवस गेला पण ती मुलगी मनातून जाईना. मनातल्या तिने हळूहळू मनाचा ताबा घेतला आणि या लघु कादंबरीचे रूप धारण केले. या मुलीची जीवनकहाणी म्हणजेच “एकलव्या” कादंबरी.

लेखिका वासंती वैद्य, 
पुणे.

Ekalavyaa
Vasaanti Vaidya
Marathisrushti